Buhay Estudyante

Lahat tayo ay may pangarap na makapag tapos sa pag-aaral.

Ang pag-aaral ay bahagi  ng ating buhay. Alam natin na ang taong masipag mag-aral ay may magandang kinabukasan. Ngunit ang pag-aaral ay hindi biro lalo na kung walang kinikita ng malaki ang ating mga magulang at kung walang permanenting trabaho na umaasa lang sa mga produkto na inaani  sa bukid .

Habang ako ay nag-aaral nilalakad ko ang mahigit isang oras para lamang mkapasok sa paaralan.
Minsan pumapasok  na ako sa paaralan na nagbubuhat  pa ako ng isang kaing na saging para maibenta ng aking ina o di kaya ay isang sakong uling.  Mahirap mag-aral habang nagtatrabaho sa bukid upang makatulong sa mga magulang. Minsan ay pumapasok ako na walang baon para lang mag-aral. Palagi akong  kinakapos sa aking panggastos sa paaralan.

Upang ang pangarap  ko na makapagtapos ng pag-aaral ay maisakatuparan. Nagpapasalamat ako sa aking mga magulang na kahit nahihirapan sila ay hindi pa rin nagsasawa sa pagsuporta sa aking pag-aaral.
At ngayon ay patuloy pa rin ako na nagsusumikap upang ang diploma ay aking hawak-hawak na tanda ng pagtatapos sa kolehiyo.